O que preguntarías antes de dicir que si

Por estar, non. A ficha é de balde: fotos, datos, eventos e o selo «Mantido polo local». Hai dous plans de pago, aínda sen contratar, para quen queira máis cifras ou máis presenza en Explorar. Son opcionais.

Non. Wambree non xestiona reservas nin cobros, así que non hai comensal, entrada nin praza sobre a que cobrarche nada. O grupo págache a ti, coma sempre.

Sobremesa, 29 € ao mes, e En cartel, 79 € ao mes, sen IVE. Aínda non se poden contratar: se che interesan, reserva sitio e avisámoste.

Non cho podemos garantir. Wambree está empezando e non imos darche cifras de uso que non poidamos ensinar. O que si fai é poñer o teu local entre as opcións cando a un grupo lle encaixa. Por iso estar é de balde: próbalo sen arriscar nada.

Non. As ofertas serán unha opción para quen queira. A túa ficha funciona igual sen elas.

Non cando un grupo busca sitio: esa orde sae dos traxectos e do que precisa cada persoa, e ningún plan a cambia. A promoción só existirá en Explorar, nun oco á parte co rótulo «Promocionado».

A alta son catro preguntas: como se chama, onde está, que é e como o sabes. O demais énchelo cando teñas un oco, e o que deixas a medias queda gardado no móbil. Despois, só tocas algo cando cambia: un horario, un evento, unha foto.

Non. Faise desde o navegador do móbil, cunha conta de Wambree e un código de acceso.

Escríbesnos co nome do teu local e mandámoscho. Úsase unha vez e caduca, así que se se che pasa, pide outro.

Mírao unha persoa antes de saír e non che imos dar un prazo que non poidamos cumprir. En «As miñas achegas» ves como vai e avisámoste por correo.

Non. Wambree non ten chat nin recensións públicas, e ninguén che vai escribir por aquí. Ti decides cando entras.

Depende de que sexa. Hai categorías para restaurantes, bares, cafetarías, cines, teatros, salas de concertos, rocódromos, boleras, recreativos e escape rooms. Para obradoiros ou xogos de mesa aínda non hai categoría, aínda que podes publicar eventos. Busca o teu caso na páxina de locais e dicímoscho sen rodeos.

É probable. Wambree parte de datos abertos como OpenStreetMap e, en Madrid, do censo de locais. Ao escribir o teu enderezo ensínache os parecidos: escolles o teu e complétalo, sen duplicar nada.

Unha persoa de Wambree mira cada achega antes de que saia, e ninguén publica o seu. Tampouco ti: tamén os teus cambios pasan esa revisión.

Desde a túa ficha, fila a fila. O cambio pasa a revisión e, mentres, a fila avísate de que está pendente.

O selo «Mantido polo local» só sae cando unha persoa comprobou que é teu, en persoa, por teléfono ou na túa web. Se ves algo raro, escríbenos.

Pode propoñelos quen teña acceso, e pasan a mesma revisión. Se algo non che cadra, escríbenos.

Teñen que ser túas ou ter permiso de quen as fixo, e decláralo ao subilas. Ao envialas aceptas que se publiquen en Wambree. Se cambias de idea, escríbenos e retiramos as que queiras.

Que non se recoñeza a ninguén. Unha foto con persoas pasa unha revisión á parte antes de publicarse.

Publícanse en Wambree, e os básicos (horario, teléfono e web) compártense ademais como datos abertos. Dicímoscho antes de que envíes nada.

Na descrición non van teléfonos, ligazóns nin arrobas. O contacto e a carta teñen a súa fila á parte.

O horario edítase día a día. Se pechaches, indícalo desde a túa ficha e pasa por revisión.

Non. Wambree non lles ensina aos locais os plans nin as persoas dun grupo.

Nunca. O punto de saída dunha persoa non chega a ningún local, tampouco cun plan de pago.

Hoxe, a túa ficha e o estado do que envías. O panel, que está por chegar, ensina números sumados do que interesa o teu local, nunca de quen.

Non. Wambree axuda a decidir o sitio. Se fai falta reservar, chámante ou entran na túa web, coma hoxe.

Si. A ficha de balde non ten permanencia: deixas de actualizala ou borras a túa conta.

O publicado dun sitio queda, sen o teu nome. O local segue aparecendo cos seus datos abertos.

Un local que existe pode saír cos seus datos públicos, igual que nun mapa. Se pechaches, márcalo na túa ficha. Para calquera outro caso, escríbenos e vémolo.

Hoxe Wambree funciona nesas tres cidades. Se estás noutra, escríbenos e apuntámolo, aínda que non che prometemos data.